Dikush tha dje në kryeqytet gjatë aktivitetit të Ditës Botërore të Sportit dhe Ambientit, se gjinovcët janë ba aq shumë, sa do i ke në estradë, do në politikë, do dikur në luftë e do po merren me sport, që besa ia kanë nis me mbjell edhe pemë në çarshinë e Prishtinës, në kuadër të Ditës Botërore!
Gjinovci i madh është Izet Gjinovci, sekretar i përgjithshëm i Federatës së Hendbollit të Kosovës, njeriu që vlerësohet si emblemë e këtij sporti, ndërsa Gjinovci i vogël është Bahri Gjinovci, selektor i kombëtares së Kosovës në volejboll (meshkujt) dhe profesor! Dallimi është i kuptueshëm, Izeti ka shumë vite para Bahriut por edhe kravata i rrinë fortë më mirë.
