Ibish Thaqi kishte karrierë shumë të suksesshme si hendbollist, por shumë i suksesshëm po dëshmohet edhe si trajner.
Thaqi, që është nga Kosova por që jeton në Austri, ka fituar kurorën e dyfishtë këtë edicion. Ai ka udhëhequr skuadrën UHK Krems drejt titullit të kampionit të Austrisë e poashtu drejt Kupës së Austrisë.
Hendbolli në Austri ka nivel, ndërsa ky është një sukses i jashtëzakonshëm për Thaqin, që vazhdimisht ka pasur bashkëpunim të afërt me Federatën e Hendbollit të Kosovës.
Suksese tjera, edhe më të mëdha, priten nga Thaqi në vazhdim të karrierës së tij si trajner i hendbollit.