Me përkushtim maksimal janë duke stërvitur juniorët e Kosovës, që në Banjë të Pejës po mbushin bateritë për kampionatin botëror “Spanja 2019”.
Në një vend ideal për përgatitje dhe me kushte shumë të mira, djelmoshat tanë janë duke e zhvilluar fazën e parë për botërorin e muajit tjetër.
Selektori Taip Ramadani, trajneri i kësaj gjenerate, Fatmir Muhaxheri dhe ndihmësi i tij, Benon Brahushi, janë shumë të kënaqur me punën e djemve.
Stërvitjet bazike po i udhëheq trajneri kondicional Enver Tahiraj. Drenit Tahirukaj, Adrian Halili, Blendi Dalladaku e Rinor Avdulli bashkohen me kombëtaren nesër e pasnesër.