Kampioni i Kosovës, klubi i hendbollit Besa FamGas nga Peja, ka përforcuar radhët me portierin gjakovar, Arti Luzha.
“Arti Luzha në Pejë!
Përforcimet e edicionit të ri i vazhdojmë me Luzhën, portierin e KH Vëllaznimit dhe anëtarin e përfaqësueses së Kosovës.
Arti njihet si një portier energjik dhe me pritje shumë të mira”, njofton klubi pejan.
Besa përgatitet për garat evropiane po ashtu edhe për edicionin e ri të elitës së hendbollit të Kosovës, që pritet të fillon kah mesi i shtatorit.