Hendbollistja shqiptare nga Tuzi i Mali të Zi, Suzana Ujkiq, nga sot është shtetase e Republikës së Kosovës. Suzana nga sot edhe zyrtarisht ka të drejtë loje për kombëtaren e Kosovës në ndeshjet ndërkombëtare
“Nga sot zyrtarisht jam shtetase e Republikës së Kosovës , ndihem e nderuar njëkohësisht do të jetë privilegj për mua që do të jem edhe reprezentuese e Kosovës në hendboll dhe do të jap kontributin tim që Kombëtarja e Kosovës të jetë e suksesshme në garat ndërkombëtare.
Falënderoj presidentin e Republikës së Kosovës z. Hashim Thaçi që me dekret presidencial më dha shtetësinë e Kosovës.
Falënderoj Federatën e Hendbollit të Kosovës për përkrahjen, si dhe trajnerin tim Faruk Shalën që me punë dhe përkushtim dhe sukseset e përbashkëta me klubin e hendbollit Istogu arrita që të jem e ftuar në Kombëtaren e Kosovës”, shkruan Suzana në profilin e saj në facebook.