Plot katër ndeshje të Superligës së Kosovës në hendboll (meshkujt) luhen të shtunën (nesër). Në tri prej ndeshjeve skuadrat mysafire llogariten favorite.
Kampioni aktual, Besa Famgas e hap javën e tretë me ndeshjen që e luan në Gjakovë ndaj Vëllaznimit. Kjo ndeshje fillon në ora 14:30. Klubi pejan nuk pritet të ketë vështirësi të mëdha për të shënuar fitore të re.
Dy ndeshje tjera zhvillohen nga ora 18:00. Në Gjilan takohen Drita e Kastrioti i Ferizajt, kurse në Prizren luajnë Prizreni e Prishtina. Rivalitet më i madh pritet në takimin Drenica – Llapi, që luhet po të shtunën nga ora 19:00.
Ndeshja më interesante e javës megjithatë pritet të jetë ajo që luhet të dielen nga ora 17:00 në Mitrovicë. Takohen Trepça e Vushtrria, që gjithnjë tregojnë hendboll të mirë dhe rivalitet sportiv në ndeshjet mes tyre.
Edhe në Ligën e Parë të hendbollistëve është java e tretë. Të shtunën është ndeshja Rahoveci – Samadrexha (19:00), kurse të dielen janë takimet Lepenci – Vjosa (12:00) dhe Deçani – Zhegra (13:30). Dukagjini e KEK-u do të përballen të mërkurën.
Superliga - meshkujt, e shtunë
Vëllaznimi-Besa Famgas 14.30
Prizreni-Prishtina 18.00
Drita-Kastrioti 18.00
Drenica-Llapi 19.00
E diel
Trepça-Vushtrria 17.00
