Pas dy javësh, saktësisht më 25 dhjetor, Kombëtarja e Kosovës në hendboll do të nis përgatitjet për ndeshjet e fazës së parë kualifikuese për Kampionatin Botëror të vitit 2021.
Deri në fund të muajit do të ushtrojnë lojtarët e klubeve tona dhe lojtarët e klubeve evropiane që nuk kanë obligime në atë kohë. Ndërsa më 2 e 3 janar ekipi i Taip Ramadanit do të kompletohet.
Më 5 e 6 janar në Prishtinë i luajmë miqësoret e mirëseardhura me Katarin, kurse më 9 janar është udhëtimi i Kombëtares për në Itali. Në kuadër të grupit të tretë, ndeshjen e parë e luajmë ndaj Italisë më 10 janar.
Më 11 janar e kemi ndeshjen me Rumaninë, ndërsa më 12 janar me Gjeorgjinë. Ndeshjet luhen në Benevento të Italisë kurse synimi është i qartë, të ofrohet maksimumi me shpresë për të fituar grupin dhe për të kaluar në raundin tjetër.
