Nuk lanë gjë pa i thënë njëri -tjetrit në aspektin sportiv, madje edhe i tejkaluan kufijtë pa pikë nevoje.
Lulzim Abazi dhe Gëzim Kokollari, që të dytë ish kryetarët e klubit të hendbollit Kastrioti nga Ferizaj (meshkuj), pas përplasjeve me deklarata njëri me tjetrin, fatmirësisht zgjodhën heshtjen dhe duket se e kuptuan se gabuan!
Akuza që bënë ndaj njëri - tjetrit duket se e fiken njëherë e përgjithmonë edhe dashurinë sportive për njërin tjetrin, që edhe politikisht janë të pozicionuar kundër njëri – tjetrit!
Pavarësisht se cilës parti i takojnë, në sport nuk ka vend për politikë!
Abazi dhe Kokollari do të ishte mirë që të ulen në një tavolinë dhe ta qerasin njëri – tjetrin me kafe, t’i tejkalojnë hasmëritë sportive.
Gëzim Kokollari
Sigurisht se e kuptuan gabimin apo jo që u gjuajtën pa nevojë me lloj lloj etiketimesh!
A mos vallë se duhet edhe ndërhyrja e Izet Gjinovcit, sekretar i përgjithshëm i Federatës së Hendbollit të Kosovës, që t'i qetësojë "të acaruarit" dhe t'i pajtojë të lartpërmendurit".