Në secilën disiplinë sportive, secili ka kontribuar me aq mundësi që ka pasur në kohën e okupimit, në vitin 1991-1999.
Sportistët tanë iu kundërvunë pushtuesit serb duke i zhvilluar garat në kuadër të Republikës së Kosovës.
Edhe ish hendbollisti i mirënjohur, Adnan Rudari, i takon Gjeneratës së Republikës, i cili me shumë shokë dhanë shumëçka për të mbajtur gjallë hendbollin.
Rudari është prej ish hendbollistëve më të mirë që ka pasur Kosova dhe është krenarë që me shumë shokë sakrifikuan në kohërat më të vështira, për të mbijetuar hendbolli, sporti me traditë, duke i bërë ballë gjitha furtunave të regjimit kriminal serb.
