Asnjëherë nuk kishte hezituar por gjithmonë në vijën e parë të frontit sportiv, Rifat Shabani.
Personalitet i respektuar në Gjilan e kudo në Kosovë! Mendjehollë, largpamës dhe me vizione të qarta.
Në vitet e 90-ta, në kohën e okupimit, ai me mijëra sportistë, kush më shumë e kush me pak, iu kundërvunë armikut serb.
Rifat Shabani, i takon Gjeneratës së Republikës.
Një trajner i shquar i hendbollit, një pedagog sportiv e shembull, që dha shumë për hendbollin dhe për sportin.
As kërcënimet e pushtuesit serb, nuk e zmbrapsen Shabanin në rrugëtimin e tij, në misionin për Republikën.
Ai është krenar që i takoi Gjeneratës së Republikës, që zhvilluan garat në kuadër të Republikës. Në fusha të improvizuara, dhe sot ky brez po i shijon kohën më të mirë edhe arenën ndërkombëtare. Pak burra ka sporti i Kosovës si Rifat Shabani, njeri i fjalës, trim e profesionist që s’e ka shoqin.
