Besa Famgas nga Peja, skuadra më e trofeshme në vitet e pasluftës, 13 herë kampione, ka filluar përgatitjet për vazhdimin e kampionatit përkatësisht garave të play-off-it në Superligën e Kosovës në hendboll (meshkuj).
“Edhe zyrtarisht kemi filluar stërvitjet, duke iu përmbajtur rregullave të udhëzuesit të Ministrisë së Shëndetësisë dhe me masat mbrojtëse për parandalimin e përhapjes së virusit COVID-19”, njofton KH Besa Famgas.
Pejanët janë skuadra kryesore për titullin e kampionit së bashku me Prishtinën.
Besa ka ekipin më të mirë dhe synojnë t’i mbrojnë trofetë, Kupën dhe titullin.