Kurrë nuk i dihet! Kush e ka lekun e ka trajnerin e madh! Dikush tha si mes buzëve, a mundet Kasim Kamenica të jetë kryetrajner i ri i Istogut?
Gjithçka është e mundshme për edicionin e ri!
Kjo do të ishte një ëndërr e bukur për klubin e hendbollit Istogu (femrat), nënkampione e Kosovës dhe do të bëhej si klub shumë i frikshëm, ndoshta do ta prekte mrekullinë!
Pse Kamenica mos të jetë kryetrajner në Istog, klub që i ka të gjitha, e Faruk Shala, djaloshi i palodhshëm të bëhet drejtor sportiv apo siç njihet si alfa e omega e kësaj skuadre. Kamenica, aktualisht është kryetrajner i Kastriotit të Ferizajt (meshkujt) dhe ka kontratë me këtë mjedis.
Në sport gjithçka është e mundshme, tregu është i hapur dhe kush e ka Kamenicën e ka bereqetin!
Te Istogu mendojnë për Kupë dhe as që flasin gjëra tjera, ndërsa dikush tha: Po me Kamenicën Istogu bëhet një bombë e rajonit për hendboll! Një ditë Kamenicë mund të jetë kryetrajner i ri i Istogut apo kurrë nuk do ta udhëheq këtë ekip!
