Ekipi i hendbollit Istogu është finalisti i parë i Kupës së Kosovës dhe tani e presin fituesin e takimit mes Vushtrrisë dhe Prishtinës.
Istogu shënoi fitore me rezultat 44:28 ndaj Kastriotit të Ferizajt, në ndeshjen e gjysmëfinales që u zhvillua në Qendrën e Rinisë dhe të Sportit në Prishtinë.
Hendbollistja Adelina Berisha ka qenë më efikasja me 10 gola të Istogi, e ndihmuar nga Pranvera Ferataj me 6, Suzana Ujkiqi me 5 sosh, ndërsa te Ferizaj u dallua Arlinda Dinarica me 12 gola.
Istogu kualifikohet në finale, rdërsa Kastrioti la përshtypje të mirë me lojtare të reja.
Trajneri Faruk Shala me Istogu synon mbrojtjen e Kupës, ndërsa trajnerja e Kastriotit Vlora Jashari, me lojtaret e reja dha maksimumin.
Istogu-Kastrioti 44:28 (19:11)
Istogu: Shehdadi, Ujkiqi 5, Berisha 10, Milatoviq 3, Hetemi 2, Rugova 4, Fejza 2, Venetska 2, Rexhaj 2, Halitaj 4. Ahmetxhekaj, Ferati 6, Shatri 4.
Kastrioti: Muhaxheri, Shabani, Sylejmani, Hoxha 2, Hyseni, Maksuti, Maliqi 1, Stagova 3, Salihu 2, Grainca, A. Dinarica 12, Gashi 6, M. Dinarica, Guergurovci, S. Reçica 1, Beqiri 1.
