I ruan me fanatizëm gazetat e fillim viteve të 90-ta! Sa herë e shfleton rubrikën e sportit të gazetës “Bujku” të asaj kohe, të vitit 1992, e vetmja e përditshme informative atëkohë, Ahmet Hysenaj-Petrova emocionohet dhe i mbushen sytë me lot por edhe i dridhet trupi.
Kurrë nuk e harron nderin që ia bëri Presidenti Historik i Kosovës, dr. Ibrahim Rugova.
Petrova shumë shpesh flet për at pritje madhështore që nuk i fshihet dot nga koka dhe që ishte nderi më i madh për klubin e tij.
Bujku 1992
E ruan me kënaqësi at faqe të gazetës, kur Presidenti Historik dr. Rugova, e kishte pritur klubin e hendbollit Kastrioti nga Ferizaj, si fitues i Kupës, mu në ditën e 2 Korrikut, të përvjetorit të shpalljes së deklaratës së Kushtetuese! Petrova edhe sot e ndjen aromën e atij takimi dhe këtë që e ka postuar sot, e quan më shumë se një dokument të rëndësishëm historik!
Bujku 1992
“KH Kastrioti me 2 Korrik të vitit 1992 te Kryetari Dr. Ibrahim Rugova”, shkroi Petrova në profilin e tij në facebook.
