Selektori Shabani i kënaqur me shortin: Kosova mund të kualifikohet në fazën tjetër - Bota Sot
Selektori Shabani i kënaqur me shortin: Kosova mund të kualifikohet në fazën tjetër

Hendboll

Selektori Shabani i kënaqur me shortin: Kosova mund të kualifikohet në fazën tjetër

Më: 8 korrik 2020 Në ora: 16:51
Agron Shabani

Selektori i Kosovës në hendboll (femrat), Agron Shabani, është i kënaqur me shortin e fazës së parë kualifikuese për Botërorin 2021. Kosova është në një grup me Austrinë e Italinë, kurse ndeshjet do të luhen në Austri në nëntor apo dhjetor. Vendi i parë dhe i dytë siguron kalimin tutje.

Kosova e ka mposhtur Italinë në fund të vitit të kaluar kurse me Austrinë nuk është përballur deri më tani.

“Italinë e njohim nga turneu në Antalya, ku edhe fituam. Ekziston mundësia të renditemi të paktën në vendin e dytë. Jam i kënaqur me shortin. Synimi është kualifikimi në fazën tjetër”, ka theksuar Shabani për faqen zyrtare të FHK-së.

“Kemi për detyrë t’i fokusojm të gjitha energjitë në drejtim të arritjes së këtij synimi. Austria është favorit i këtij grupi, por shpresoj se këtë herë kemi ekip që të përballemi me dinjitet me të dy kombëtaret. Ky mision në bazë të mendimit tim është i arritshëm. Jemi më të fortë dhe më të kompletuar se në të kaluarën. Jemi në rrugë të mirë për të arritur synimin”, ka shtuar selektori Shabani.

Shfaq komentet
comments powered by Disqus
Sot mund të lexoni Shfletoni kopertinat