Remzi Krasniqi - lojtar i sakrificës në Gjeneratën e Republikës

Hendboll

Remzi Krasniqi - lojtar i sakrificës në Gjeneratën e Republikës

Nga: Kemajl Goca Më: 19 shtator 2020 Në ora: 16:48
Remzi Krasniqi - lojtar i sakrificës në Gjeneratën e Republikës

Data 12 tetor e vitit 1991, është data historike për hendbollin e Republikës së Kosovës!

Në qytetin e Drenasit përkatësisht të shkolla “Bashkimi”, zhvillohet ndeshja e parë e Kampionatit të Republikës së Kosovës, mes Trepçës nga Mitrovica dhe Llapit nga Podujeva. 

Java e tretë e vjeshtës së vitit 1991 ka qenë shumë e nxehtë jo për nga moti, por nga presioni dhe kërcënimet që vinin nga okupatori serb, por as që ka mundur t’i ndalonte djemtë tanë në misionin e tyre, për t’i zhvilluar garat e Republikës së Kosovës në fusha me beton dhe të improvizuara.

Remzi Krasniqi i takon Gjeneratës së Republikës. Krasniqi ka qenë ndër hendbollistët më të mirë të viteve të 90-ta dhe me sukses ka mbrojtur ngjyrat e Drenicës nga Drenasi. 

Krasniqi as donte të dëgjonte për kërcënimet që vinin nga pushtuesi serb, por me shumë djem e burra të asaj kohe, ishin të gatshëm edhe të vdesin për sportin e pavarur të Kosovës, duke i thënë jo njëherë e përgjithmonë garimit me klubet ish jugosllave dhe të Serbisë. 

Krasniqi ka qenë ndër organizatorët e ndeshjeve të para të Republikës së Kosovës në Drenas.

Ai kishte treguar vendosmëri dhe guxim me shumë shokë, duke i rezistuar agresorit serb. Ish hendbollisti sot është i lumtur për kontributin që ka dhënë për hendbollin, sportin në përgjithësi të Kosovës në kohërat më të rënda (1991-1999), kur jeta në çdo sekondë ka qenë në rrezik nga barbarët serb.

commentFirst article
Sot mund të lexoni Shfletoni kopertinat