Të jesh veprimtar sportiv në vitet e 90-ta, ka qenë sikur të jesh në uniformë ushtarake kundër okupatorit serb.
Sportistët, sportistet, veprimtarët sportivë, donatorët, gjyqtarët, trajnerët etj. kush më shumë e kush me pak kanë dhënë kontribut të madh për zhvillimin e sportit të Republikës të Kosovës.
Fahri Buçinca i takon Gjeneratës së Republikës.
Ai ka qenë një burrë i vendosur, trim dhe vizionar në kohërat më të vështira (në vitet 1991-1999).
Fahri Buçinca ka qenë anëtar i Komisionit te garave dhe anëtar i Kryesisë së Federatës së Hendbollit të Kosovës, mbi të gjitha veprimtar i palodhur sportiv, një patriot që se kishte shoqin.
Ai kontribuoi me tërë kapacitetin e tij për hendbollin dhe iu kundërvu fuqishëm agresorit serb. Buçinca është shembulli më i mirë për tërë brezat tanë, se si luftohet për sportin në përgjithësi të Republikës së Kosovës.
Të shkruash për veprimtarinë e tij sportive, duhet me dhjetëra mijëra faqe, sidomos për vitet më të rënda, ku asnjëherë nuk u frikësua nga armiku serb.