Ish hendbollisti i mirënjohur, Dervish Berisha, është i habitur, se si asnjë skuadër e Kosovës nuk e ka provuar veten që të luajë në kualifikimet për Europa League në hendboll dhe të kërkojë të futet në fazën e grupeve.
Berisha i takon gjeneratës së artë të fundviteve 70-ta dhe të 80-ta, shprehet kritikë, që po frikësohen të luajnë në Europa League.
Ai habitet se si ekipet tona ikin nga garat e forta dhe shkojnë të garojnë në garat më të dobëta evropiane dhe nuk luajnë aty ku e kërkon rendi dhe sipas titullit që ka në Kosovë!
Si e komenton që asnjë skuadër e jona nuk e mori guximin të luajë në kualifikimet e Europa League?
“Është humbje e hendbollit dhe nënçmim sepse ne luajmë hendboll që 70 vjet.
Andaj mos marrja pjesë në ligën kualitative e dëmton dukshëm hendbollin, ekipet dhe vetë hendbollistët e hendbollistet sepse çdo ballafaqim me një skuadër të madhe e kualitative Europiane është një përvojë e cila tregon se ku jemi ne si ekipe, si hendbollist dhe Federatë.
Shmangja nga Europa League është një përbuzje e vet hendbollit të Kosovës, andaj duhet ngritë zërin të gjithë sepse me ligën tonë super nuk arrijmë askund dhe është bë shumë e pavlerë ndeshjet në ligat e Kosovës.
Sepse me nga 3 - 4 ekipe pak të forta, tjerat duke dhënë shpirt, s’ka efekt as përparim, andaj vete hendbollistët duhet reaguar sepse është mirë t’i masin forcat me ekipet e mëdha europiane. Me shmangjen e kësaj lige po bëhem si disa shtete që dje kanë filluar hendboll e po harrojnë që luajmë përafërsisht 70 vjet.
Po shihet kualiteti i viteve te arta dhe sot sikur ato gjenerata të ishin sot do të zënin vend te merituar në ligën europiane”, tha Berisha për gazetën kombëtare “Bota sot”.
