Hendbolli si të gjitha disiplinat sportive, u ballafaqua me peripecitë e ndryshme në vitet 90-ta.
Hendbollistët ishin në një situatë shumë të vështirë në verën e vitit 1991, por nuk menduan shumë dhe formuan Kampionatin e pavarur të Republikës së Kosovës, duke u thënë jo një herë e përgjithmonë garave me ish klubet jugosllave dhe të Serbisë.
Eduard Berisha i takon Gjeneratës së Republikës.
Përveç si hendbollist i dalluar, ai ka qenë i disiplinuar, shembull në fushën e lojës dhe kontribues i madh.
Berisha ka sakrifikuar shumë për hendbollin dhe në anën tjetër me shumë shokë i rezistuan okupatorit serb.
Ai është krenar për kontributin që ka dhënë në vitet më të vështira, duke lozur në fusha me beton e të improvizuara, por i lumtur që sfiduan deri në pikën e fundit regjimin serb.
Ai ndihet krenar që zhvilluan garat e Republikës së Kosovës dhe e mbajtën gjallë sportin.
