Nënkampionia e Kosovës, Istogu, sot do të luajë ndeshjen e parë në historinë e saj në palestrën e re në Istog kundër Vushtrrisë, në takimin e kthimit të Kupës së Evropës në hendboll.
E veçanta është se sot (18.00) përurohet palestra e re dhe pritet të marrin pjesë edhe zyrtarë të lartë të fushave të ndryshme jo vetëm sportive. Istogu synon fitoren e parë në palestrën e re dhe kualifikimin në rrethin e tretë të Kupës së Evropës.
Trajneri Faruk Shala ka përgatitur ekipin mjaft mirë dhe e ka qetësinë në anën tjetër, duke iu falënderuar edhe fitores në Vushtrri me rezultat 26:21, ka epërsinë me pesë gola, janë shumë afër kualifikimit.
Lojtaret Esma Muratoviq, Albina Rugova, Tina Hetemi, Keta Venetsky, Pranvera Ferataj, Natalia Millatoviq, portierja Blerta Ahmetxhekaj etj. kërkojnë fitoren dhe kualifikimin.