Dje me ndeshjen e Kupës së Evropës në hendboll (femrat), mes Istogut dhe Vushtrrisë, është përuruar palestra e sportit në Istog.
Palestra e re në Istog ka një pamje shumë të bukur, që e ka mahnitur edhe hendbollisten më të mirë në Kosovë, boshnjaken nga Mali i Zi, Esma Muratoviq, anëtare e KHF Istogu.
“Pas kaq shumë kohësh ne po luajmë në sallën e re, jemi shumë të lumtura.
E kemi filluar me fitore dhe shpresoj që ta vazhdojmë atë seri. Salla është shumë e bukur, top sallë”, tha Esma për gazetën kombëtare “Bota sot”.