Kombëtarja e Kosovës pëson humbje me rezultat 32:25 (16:14) nga Mali i Zi, në takimin që u zhvillua në kompleksin “Bemax Arena” në Podgoricë.
Kosova e fillon me humbje në kuadër të grupit 8 të kualifikueseve për EURO 2022 në hendboll.
Kosova e para avancoi me 0:1, barazohen shifrat 1:1, 2:2, 3:3, duke u shkëputur vendasit në epërsi me 6:3.
Periudha e parë e lojës përfundon me rezultat 16:14 në të mirë të malazezëve.
Pjesa e dytë ishte interesante në 7 minutat e parë, ndërsa Kosova ngushton rezultatin në 17:16 (33’), 18:17, por Mali i Zi gradualisht thellon epërsinë në 4 gola - 21:17 (37’) dhe pastaj edhe në shtatë gola (27:20). Kjo epërsi i dha qetësinë selektorit malazez Roganoviqit.
Në minutën e 57-të, Mali i Zi në epërsi me 6 gola (30:24), që gjithçka edhe ishte e mbyllur sa i përket rezultatit pozitiv. Malazezët startojnë me fitore me rezultat 32:25 ndaj Kosovës.
Trajneri i Kosovës, Javier Cabanas, gjithsesi duhet të jetë i kënaqur me angazhimin e hendbollistëve të tij, të cilët dhanë maksimumin në takimin e parë.
Nemanja Grboviç realizoi nëntë gola, i ndihmuar nga Vasko Shevaleviç dhe Milosh Vujoviq, që shënuan nga gjashtë, ndërsa Marko Lasica dhe Stevan Jujoviq nga katër. Deniz Terziqi shënoi gjashtë gola te Kosova.
Mali i Zi - Kosova 32:25 (16:14)
Mali i Zi: Braunoviq, Anxheliq, F. Vujoviq, Glendzha 1, Bakiq, Çavor 1, Çepiq, Radoviq, M. Vujoviq 6, Kaluxheroviq, S. Vujoviq 4, Shevaleviq 6, Anxheliq, Lasica 4, Vujaçiq 1, Gërboviq 9, Llipovina.
Kosova: Jupa 2, Gashi 1, Kabashi 2, Dedaj 4, Terziqi 6, Agushi, Quni 1, Tahirukaj 4, Shabani, Ramosaj 1, Muqolli, Gegaj, Ramadani, Gjuka 2, Zena, Alaj 2.