Disa prej ndeshjeve të Superligës së hendbollisteve që është dashur të luhen fundjavën e kaluar, do të luhen të mërkurën e të enjten. Qeveria e Kosovës kishte pezulluar aktivitetet sportive në fundjavë, si pjesë e masave në luftë ndaj COVID-19. Kështu janë shtyrë edhe ndeshjet e kampionatit të Kosovës në konkurrencë të femrave.
Në kuadër të javës së pestë, të mërkurën është ndeshja Samadrexha – Shqiponja, që fillon në ora 18:30.
Të enjten janë ndeshjet Vushtrria – Drita (16:30) dhe KEK-u – Istogu (18:00).
Ndeshjet Kastrioti – Ferizaj dhe Prishtina – Vëllaznimi janë shtyrë për 18/19 nëntor. Ferizaj luan në kupa evropiane dhe në përbërje ka edhe lojtare të Prishtinës.
Edhe ndeshja Jusuf Gërvalla – Vjosa luhet më vonë.
