Kampionja e Kosovës, Ferizaj, para pak minutave mori rrugë për në Antalya të Turqisë, ku në fundjavë do të zhvillojnë takimin e Kupës së Evropës kundër “Muratpasa Belediyesi SK”, në kuadër të rrethit të tretë.
“Ferizaj udhëton i hendikepuar, pasi që gjatë testit tri hendbolliste rezultuan me Covid 19”, ka bërë të ditur Xhavit Morina për gazetën kombëtare “Bota sot”.
Ai nuk i ka dhënë emrat e lojtareve me Covid 19, por sipas tij, janë mjaft të hendikepuar për këto dy ndeshje ndërkombëtare.
Dy ndeshje do luhen në Antalya me marrëveshje të klubeve.
Ndeshja e parë luhet me 14 nëntor në orën 13.00, ndërsa e dyta të dielën po në orën 13.00. Ferizaj synon paraqitje sa më të mirë ndaj “Muratpasa Belediyesi SK”.