Serbia në këmbë, reagon ashpër që klubi Kurshumlija nuk u lejua që të futet në shtetin e Kosovës, që të zhvillojë ndeshjen ilegale me Mokra Gorën e Zubin Potoku, në kuadër të ndeshjes së Superligës B të Serbisë, Lindje – Perëndim në hendboll (meshkujt).
“Kjo nuk ishte hera e parë që shqiptarët ndaluan hyrjen e sportistëve serbë në provincën jugore serbe të Kosovës dhe Metohisë.
Hendbollistët e Kurshumlija nuk u lejuan të kalonin në vendkalimin administrativ të Merdares me Kosovën dhe Metohinë. Ata u kthyen nga vendkalimi, kështu që nuk mund të luanin ndeshjen kundër Mokra Gora”, raporton "Kurir".
“Lojtarëve dhe stafit profesional iu dha një dokument ku thuhej se prania e tyre ishte "një kërcënim për sigurinë e brendshme politike, shëndetin publik dhe marrëdhëniet ndërkombëtare", shkruan më tej.
