Gjatë javës është mbajtur edhe Kuvendi Zgjedhor i Shoqatës së Gjyqtarëve të Hendbollit të Kosovës.
Në kuvend, kryetare e SHGJHK-së është zgjedhur Shqipe Bajçinca-Brestovci. Ajo është profesoreshë universitare dhe delegate e Federatës Evropiane të Hendbollit.
Bajçinca-Brestovci do të jetë në krye të shoqatës për katër vite kurse në Këshillin Drejtues janë edhe Ilir Bytyqi, Eshref Beqiri, Arsim Vitaku, Mehmet Koro, Fisnik Jashari e Getoar Bujupi.
Puna me gjyqtarë të rinj, ngritja e cilësisë së referimit dhe rritja e numrit të gjyqtarëve në arenën kombëtare dhe ndërkombëtare janë prioritetet e shoqatës.
