Me vetëm një gol dallim ka fituar Ferizaj ndaj Samadrexhës, të dielën në ndeshjen përmbyllëse të javës së 14-të të Superligës së hendbollisteve. Ndeshja e luajtur në Ferizaj përfundoi me rezultatin 40:39 në të mirë të kampionit aktual.
Pas pjesës së parë samadrexhaset kishin dy gola avantazh, 20:18. Bjondina Ramabaja shënoi 10 gola për Ferizajn, kurse Albulena Basha e Albulena Kelmendi nga 8.
Arlinda Maloku u shqua te Samadrexha me 14 gola derisa 9 i shënoi Gentiana Basholli.
Ferizaj është në vend të pestë me 20 pikë. Samadrexha është e shtata me 10 pikë.
