Kryetari i klubit të kampiones në fuqi, Ferizaj (femrat), Xhavit Morina, si gjithmonë kërkon frymë pozitive dhe sipas tij, sportistet janë shembull në fushë dhe pas saj, sepse sporti i bashkon njerëzit dhe nuk i përçanë, kështu ndodhi dje në hendboll në palestrën e sportit “Bill Clinton” në Ferizaj.
“Ishim dëshmitar të një derbi lokal në hendboll në mes të KHF Ferizaj -KHF Kastrioti, ku me rezultat të lart fitoj hendbolli.
Sporti i bashkon njerëzit, kjo edhe ndodhi dje. Një lojë e fortë me dëshirë të madhe për dy ekipet për fitore, ku u pa një rivalitet në suaza sportive, jo siç jemi mësuar që derbit lokal t’i shohim me shumë tensione e përçarje të lojtarëve e simpatizuesve të të njëjtit qytet.
Pra dje nuk kishte humbës”, ka shkruar Morina. Ferizaj fitoi me rezultat 23:21 kundër Kastriotit.
Pas 16 jave Ferizaj renditet në vend të katërt me 22 pikë dhe ka një më shumë se Kastrioti një pozitë më poshtë.
