Besa Famgas e Prishtina nuk kanë lejuar befasi në ndeshjet e xhiros së 23-të Superligës A.
Kampionia Besa, me shumë debutues në përbërje, ka fituar në udhëtim ndaj Drenicës me rezultat 43:21. Prishtina fitoi në Ferizaj ndaj Kastriotit me rezultatin 45:28.
Besa ka vetëm fitore dhe udhëheq në tabelë me 46 pikë. Prishtina është e dyta me 37 pikë.
Në Superligën B u luajt java e 21-të. Të premten, Vushtrria fitoi 40:35 ndaj Prizrenit. Të shtunën, Llapi e mposhti Zhegrën me rezultat 38:35.
Zhegra udhëheq me 19 pikë. Nga 16 tani i kanë Vushtrria e Llapi. Prizreni është i fundit me 3 pikë.
