Kosova takohet me Spanjën, Hungarinë dhe Sllovakinë në kualifikimet e rregullta

Hendboll

Kosova takohet me Spanjën, Hungarinë dhe Sllovakinë në kualifikimet e rregullta

Më: 25 mars 2021 Në ora: 15:08
Kosova takohet me Spanjën, Hungarinë dhe Sllovakinë në kualifikimet e rregullta

Të enjten është tërhequr shorti për kualifikimet e rregullta për Euro 2022 në konkurrencë të femrave. Evropiani i ardhshëm i hendbollisteve mbahet në Slloveni, Maqedoni të Veriut dhe Mal të Zi. Këto tri kombëtare kualifikohen direkt, njëjtë si Norvegjia si kampione aktuale. Evropiani do të mbahet në nëntor të vitit të ardhshëm, kurse kualifikimet e rregullta nisin në tetor të këtij viti.

Shpresat janë shumë të mëdha që në kualifikimet e rregullta do të paraqitet edhe Kombëtarja jonë. Kosova është në fazën e parë kualifikuese së bashku në grup me Portugalinë, Luksemburgun e Qipron. Ndeshjet e fazës së parë kualifikuese luhen prej 31 majit e deri më 6 qershor. Ndeshjet e Grupit 1, ku jemi ne, pritet të luhen në Portugali. Portugalinë e kemi rivalin kryesor për vendin e parë që siguron avancimin tutje.

Me sukses në Portugali, Kosova do të jetë në grupin e pestë të kualifikimeve të rregullta së bashku me Spanjën, Hungarinë dhe Sllovakinë.

Synimi ynë përfundimisht është të fitojmë grupin parakualifikues në Portugali dhe të avancojmë në kualifikimet e rregullta. Sinjalet që morëm gjatë ndeshjeve në Austri javën e kaluar, janë shumë pozitive dhe në Kombëtare ka optimizëm për sukses në Portugali. Natyrisht nuk do të jetë lehtë, me Portugalinë që synon po ashtu avancimin tutje dhe do të ketë përparësinë e terrenit vendas. Por Kombëtarja jonë tashmë është e konsoliduar dhe me kompletimin që e presim në fund të majit, synimi do të jetë vendi i parë.

Shfaq komentet
comments powered by Disqus
Sot mund të lexoni Shfletoni kopertinat