Në fundjavë përkatësisht të shtunën do të zhvillohet finalja e parë e play-off-it të Kampionatit të Kosovës në hendboll (femrat), mes Istogut dhe Vushtrrisë. Istogu dhe Vushtrria synojnë titullin e kampionit.
Të dyja skuadrat janë përgatitur maksimalisht për këtë sfidë finale.
“Ditën e shtunë Istogu zhvillon ndeshjen e parë finale kundër skuadrës së Vushtrrisë.
Ndeshja zhvillohet në palestrën e sporteve në Istog më fillim nga ora 18:30.
Pasi që ndeshja zhvillohet pa publik, KHF Istogu njofton të gjitha mediat lokale që mund të transmetojnë ndeshjen finale ngase Federata e Hendbollit e Kosovës para fillimit të kësaj ndeshje finale të skuadrës (seniore), do të organizoj ndarjen e kupës dhe medaljeve për skuadrën e Kadeteve të Istogut( U18) të cilat janë shpallur kampion i Kosovës dhe ky është titulli i gjashtë me radhë për Istogun në kategorinë e gjeneratave të reja.
Andaj në pamundësi për të qenë në palestër qytetarët Istogas dhe me gjerë të mund të ndjekin ndeshjen dhe ceremoninë në transmetim direkt”, njofton KHF Istogu.