Dënohet rëndë Fadil Maxhuni! Faruk Shala dhe Arben Parduzi gjobiten për shpërndaje në kundërshtim me nenin 12.17 

Hendboll

Dënohet rëndë Fadil Maxhuni! Faruk Shala dhe Arben Parduzi gjobiten për shpërndaje në kundërshtim me nenin 12.17 

Më: 18 maj 2021 Në ora: 13:51
Dënohet rëndë Fadil Maxhuni! Faruk Shala dhe Arben Parduzi gjobiten për shpërndaje në kundërshtim me nenin 12.17 

Nga mbledhja e 48-të e Komisarit të Garave të Federatës së Hendbollit të Kosovës për edicionin 2020/21, u morën disa vendime të rëndësishme. 

Komisari i garave pas pranimit të materialit të ndeshjes Istogu – Vushtrria e zhvilluar me 15.05.2021 dhe pas shqyrtimit të raportit të Komisionit mbi vlerësimin e gjykimit konstatoi se gjykimi i ndeshjes ishte korrekt në suaza të ndeshjes duke mos ndikuar në asnjë qastë në rrjedhën e ndeshjes dhe se ankesa e KHF Istogu është e pa bazë prandaj ndeshjen e regjistroi me rezultat të arritur në fushë. 

Dënohet KHF Istogu me 100 euro gjobë duke u mbështetur në nenin 12.10 të Propozicioneve të garave.

KHF Istogu nuk ka të drejt te zhvilloj ndeshjen e radhës deri në përmbushjen e gjobës. 

Arsyetim: Komisari i garave duke u mbështetur në fletëparaqitjen e personave zyrtar dhe raportit të vlerësimit të gjykimit konstatoi se komentet e bëra janë të pa baza dhe ne kundërshtim me nenin 12.10 të Propozicioneve të garave.

Dënohet trajneri i KHF Istogu Faruk Shala me numër të licence 408 me 200 euro gjobë duke u mbështetur në nenin 12.17 të Propozicioneve të garave.

Trajneri në fjalë nuk ka të drejtë aktivizimi deri në përmbushjen e gjobës. 

Arsyetim: Komisari duke u mbështetur në fletëparaqitjen e personave zyrtar dhe raportit të vlerësimit të gjykimit konstatoi se shpërndarjet e bëra në rrjetet sociale janë në kundërshtim me nenin 12.17 të Propozicioneve të garave.

Dënohet trajneri i KHF Vushtrria Arben Parduzi me numër të licence 404 me 200 euro gjobë duke u mbështetur në nenin 12.17 të Propozicioneve të garave.

Arsyetim: Komisari duke u mbështetur në fletëparaqitjen e personave zyrtar dhe raportit të vlerësimit të gjykimit konstatoi se postimet e bëre ne rrjetin sociale nga trajneri i KHF Vushtrria janë në kundërshtim me nenin 12.17 të Propozicioneve të garave.
Dënohet kryetari i klubit KHF Vushtrria Fadil Maxhuni me 6 muaj mos aktivizim dhe 200 euro gjobë duke u mbështetur në nenin 52 të Rregullores Disiplinore të FHK-së.

Personi zyrtar nuk ka të drejt aktivizimi në aktivitet e FHK-së deri në përmbushjen e dënimit kohorë dhe gjobës. 
Arsyetim: Komisari i garave duke u mbështetur në fletëparaqitjen e gjyqtarëve dhe të vëzhguesit të ndeshjes konstatoi se kryetari i KHF Vushtrria gjatë zhvillimit të ndeshjes dhe pas përfundimit të saj ka bërë ofendime dhe kërcënime të personave zyrtar.

commentFirst article
Sot mund të lexoni Shfletoni kopertinat