Komisionet përkatëse të Federatës së Hendbollit të Kosovës, duhet të mendojnë një variant tjetër dhe më të kapshëm për hendbollin femëror, ta shtojë rivalitetin.
Superliga me 12 ekipe është e stërngarkuar, sidomos për skuadrat që luftojnë për titull sepse dallimi është i madh në cilësi me skuadrat e fundit.
Cili do të ishte varianti më i mirë dhe shpëtues për ligën e femrave?
Të kemi Superligën A dhe Superligën B me nga 6 ekipe!
Në vjeshtë të luhen me sistem të dyfishtë, 10 ndeshje. Skuadra e 6-të apo e fundit e Superligës A të bie në Superligën B për stinorin pranveror, ndërsa pozita e parë e Superligës B të ngjitet në Superligën A për pranverë!
Ndërkaq, dy vendet e para të Ligës së Parë të futen në Superligën B për stinorin pranveror dhe të rritet Superliga B me 8 ekipe.
Një variant i ngjashëm sikur i volejbollit.
Po ashtu të zgjidhet edhe sistemi i pikëve për Superligën A se si të mbeten për pranverë, ndërsa në Superligën B të gjitha skuadra të startojnë me pikë 0!
Në fund të kampionatit, nga liga të largohen pozita e shtatë dhe e tetë, ndërsa i gjashti i Superligës B të luajë për mbetje në ligë me të parin e Ligës së Parë për stinorin pranveror.
Një Superligë me 12 ekipe nuk është panoramë e mirë, vetëm e shkatërron cilësinë, sepse dallimi është shumë i madh. Shumë ndeshje po e humbin kuptimin.