Në konkurrencën e femrave në hendboll, klubet që pritet të luftojnë për titull pa dyshim janë Vushtrria, kampione në fuqi, Istogu si dhe Prishtina, ndërsa klubet të tjera po mundohen të organizohen që mos të kenë telashe në vazhdim të kampionatit.
Ferizaj po ashtu pretendon me ndonjë përforcim të futet në valle për titull dhe t’ia prishë matematikat klubeve të lartpërmendura.
Ndërsa klubet tjera do të mundohen të jenë nga mesi i tabelës e disa edhe të luftojnë për ekzistencë, ndonjë kërkon edhe pozitën e katërt.
Istogu është klubi më i organizuar, ka të gjitha parakushtet por e ndjejnë në palcë si zakonisht presionin e Vushtrrisë.
