Vëllaznimi nga Gjakova eliminohet nga garat e Kupës së Evropës në hendboll.
Gjakovarët pësuan dy humbje brenda dy ditëve nga Handball Kaerjeng e Luksemburgut, në kuadër të rrethit të parë të Kupës së Evropës.
Gjakovarët sot ishin në cilësinë e vendasit ndaj Handball Kaerjeng, duke pësuar humbje 36:26, në ndeshjen që u zhvillua në palestrën Bascharage në Luksemburg.
Hendbollisti Alban Haziri është më efikasi me 7 gola, i ndihmuar nga Mali Luzha me 4, ndërsa te rivali u dallua Vladimir Temelkov me 7 gola.
Gjakovarët e humbën edhe ndeshjen e parë (32:23) dhe me rezultat të përgjithshëm 68:49 eliminohen nga garat evropiane.
