Gjyqtarët nga Kosova, Eshref Beqiri dhe Ilir Krasniqi, sot referuan me sukses në ndeshjen e Kupës së Evropës në hendboll (meshkujt).
Në Zubri të Republikës së Çekisë, u ballafaquan HV Robe Zubri dhe Apoel, e cila u fitua nga skuadra çeke me rezultat 40:11 (23:1).
E veçanta e kësaj sfide të rrethit të parë të Kupës së Evropës, është se skuadra Apoel nga Qipro, shënoi vetëm një gol në pjesën e parë, çka do të thotë se është rekord i zi.
Beqiri e Krasniqi u vlerësuan lartë për ndarje të drejtësisë, të cilët në një formë apo tjetrën në Kosovë, nuk e kanë atë trajtimin meritorë.
Dyshja nga Vushtrria, ka shumë ndeshje që po gjykon në rrafshin ndërkombëtar, ndërsa sonte referuan me autoritet në Zubri.
