Muhaxheri: Me mbrojtje dhe sulm të mirë, shënuam fitore të thellë

Hendboll

Muhaxheri: Me mbrojtje dhe sulm të mirë, shënuam fitore të thellë

Nga: K.Goca Më: 19 shtator 2021 Në ora: 15:08
Muhaxheri: Me mbrojtje dhe sulm të mirë, shënuam fitore të thellë

Kastrioti nga Ferizaj, shtatë herë kampionë i Kosovës në vitet e pas luftës, startoi me fitore bindëse në edicionin e ri në Superligën e Kosovës.

Hendbollistet e Kastriotit shënuan fitore me rezultat 39:20 ndaj Vëllaznimit nga Gjakova. Lirie Muhaxheri rikthehet në pozitën e kryetrajneres me fitore të thellë, e cila synon katërshen e parë në. tabelë. 

“Me një lojë të mirë, si në mbrojtje po ashtu edhe ne sulm, arritëm fitore të lehtë.

Duhet veçuar edhe mbrojtjen e mirë me Vahide Gashin, Sara Misinin dhe Samire Reçicën, të cilat zbatuan detyrat ashtu siç i planifikuam para ndeshjes.

Po ashtu edhe vija e sulmit funksionoi jashtëzakonisht mirë me Puhiza Gashin, Adriana Salihun e Kosovare Stagovën.

Në përgjithësi, të gjitha lojtaret dhanë maksimumin dhe secila ka meritën e saj për këtë fitore.

Është ndeshja e parë, dy pikët e para dhe duhet të punojmë me përkushtim që të përgatitem për sfidat e radhës që na presin në kampionat”, tha Muhaxheri për gazetën kombëtare “Bota sot".

commentFirst article
Sot mund të lexoni Shfletoni kopertinat