Pak kush kishte pritur fitoren e Kastriotit nga Ferizaj, duke e marrë parasysh për situatën që po kalon në muajit e fundit dhe me ikjen e disa hendbollistëve në ekipet tjera. Ferizajasit befasuan për të mirë dhe triumfuan me rezultat 25:23 ndaj Prishtinës që hiqej si favoritë, në fakt ishte edhe derbi i javës së 15-të të elitës së hendbollit në konkurrencën e meshkujve. Prishtina hasi në rezistencë të fortë të vendasve dhe përkundër angazhimit nuk arriti të kthehet e pamposhtur. Në palestrën e sportit ‘Bill Clinton’, hendbollistët treguan lojë të mirë, ndërsa Kastrioti ndali dy pikë të mëdha, në anën tjetër e shokoi Prishtinën. Kampioni në fuqi dhe lideri i renditjes, Besa Famiglia, shëtitet nëpër ligë. Ata si vendas e demoluan me rezultat 39:13 Drenicën nga Drenasi. Kjo është fitorja e 15-të radhazi për pejanët, të cilët kryesojnë renditjen me 30 pikë ose shtatë më shumë se Trepça nga Mitrovica. Trepça si mysafirë triumfoi me rezultat 36:24 ndaj Llapit, duke importuar dy pikë të rëndësishme dhe që ia përforcojnë vendin e dytë. Vëllaznimi bëri lojë të mirë dhe e mposhti Zhegrën në Gjilan me rezultat 32:28.
Rezultatet
Llapi-Trepça 24:36 (11:19)
Besa Famiglia-Drenica 39:13 (18:7)
Vushtrria-Drita
Kastrioti-Prishtina 25:23 (12:9)
Zhegra-Vëllaznimi 28:32 (14:12)
Tabela
1. Besa Famiglia 15 15 0 0 30
2. Trepça 15 11 1 3 23
3. Kastrioti 15 10 2 3 22
4. Drita 14 9 2 3 20
5. Prishtina 15 9 1 5 19
6. Vëllaznimi 15 7 0 8 14
7. Zhegra 15 4 0 11 8
8. Vushtrria 14 4 0 10 8
9. Llapi 15 2 0 13 3
10. Drenica 15 0 0 15 0
Në javën e 16-të, takohen: Trepça-Zhegra, Vëllaznimi-Kastrioti, Prishtina-Vushtrria, Drita-Besa Famiglia dhe Drenica-Llapi.