Besa Famiglia nga Peja vazhdon me fitoret e saja në elitën e hendbollit. Pejanët thyen rekord për nivelin tonë, duke shënuar 24 fitore rresht, pa asnjë barazim e asnjë humbje deri më tash, duke dëshmuar dominimin e plotë. Besa nuk e pati të vështirë të shënoi edhe fitoren e radhës, këtë herë në Gjakovë e demoloi me rezultat 39:25 ekipin e Vëllaznimit, në takimin e javës së 24-të. Gjakovarët nuk ishin rival i denjë në asnjë moment, kurse Besa pothuajse me pak se gjysmën e forcës arriti deri te fitorja dhe tani përgatiten për derbin në Mitrovicë ku ndeshen me Trepçën. Arben Muqolli, kryetrajner i Besës nuk sheh ndonjë telashe deri në fund, sepse vlerëson se ekipi i tij është dukshëm më i mirë se të gjithë të tjerët. Besa kryeson me 48 pikë, ka nëntë me shumë se Trepça në vend të dytë. Kastrioti i Ferizajt u kthye me dy pikë nga Gjilani, duke e mposhtur me rezultat 33:29 Dritën. Kryetrajneri i Kastriotit, Burim Zaskoku, është i lumtur me dy pikët e reja, sepse në fakt ia garanton edhe pozitën e tretë për pjesën e garave përfundimtare.
Me këtë humbje Drita mbetet larg pozitës së tretë, mbase do të ketë të vështirë edhe vendin e katërt. Prishtina ka bërë një hap fals për vend të tretë me humbjen minimale (26:25) në kryeqytet nga Trepça. Në konkurrencën e femrave, Prishtina vazhdon me fitore dhe tash për tash nuk njeh rivale. Prishtina me 20 gola diferencë (38:18) e mundi Dritën, në fakt ishte fitorja e 16 rresht dhe me 32 pikë prijnë në renditje. Prishtina sikurse Besa, ka të gjitha fitore për 16 javë dhe tani për tani vlerësohet si favoriti më i madh për të fituar kampionatin. Kastrioti i Ferizajt ka zhgënjyer të gjithë me barazim me Vushtrrinë me rezultat 26:26. Barazimi për ferizajaset ishte sikurse humbje, ndërsa për Vushtrrinë kjo pikë e importuar ka qenë sikur fitore dhe me pak fat do të ktheheshin edhe me pikë të plota.
Superliga, meshkujt
Vëllaznimi-Besa Famiglia 25:39 (15:22)
Prishtina-Trepça 25:26 (15:14)
Drita-Kastrioti 29:33 (12:17)
Tabela
1. Besa Famiglia 24 24 0 0 48
2. Trepça 24 19 1 4 39
3. Kastrioti 24 15 2 7 32
4. Prishtina 24 14 1 9 29
5. Drita 24 12 3 9 27
6. Vëllaznimi 24 8 1 15 17
Java e 25-të, takohen: Drita-Vëllaznimi, Kastrioti-Prishtina dhe Trepça-Besa Famiglia.
Liga e Femrave
Prishtina-Drita 38:18 (17:14)
KEK-u-Vëllaznimi 28:30 (15:16)
Deçani-Samadrexha 25:31 (11:15)
Kastrioti-Vushtrria 26:26 (14:16)
Shqiponja-Istogu me 3 maj
Tabela
1. Prishtina 16 16 0 0 32
2. Shqiponja 15 14 0 1 28
3. Kastrioti 16 11 2 3 24
4. Istogu 15 10 1 4 21
5. Vushtrria 16 8 1 7 17
6. Vëllaznimi 16 6 0 10 12
7. Samadrexha 15 4 0 11 8
8. Drita 16 4 0 12 8
9. KEK-u 16 3 0 13 6
10. Deçani 15 0 0 15 0
Në javën e 17-të, takohen: Shqiponja-Prishtina, Istogu-Kastrioti, Vushtrria-Deçani, Samadrexha-KEK-u dhe Vëllaznimi-Drita.