Skuadra e KHF Istogu në konkurrencën e kadeteve këtë edicion të garave ishte e pa konkurrencë, pasi nga 18 javë të zhvilluara nuk pati asnjë humbje apo barazim. Prandaj javën e kaluar në Gjakovë, një javë para përfundimit u shpall Kampion i Kosovës për edicionin 2016/17.
Vashat e trajnerit Faruk Shala, edhe përkundër kushteve jo te barabarta me skuadrat tjera (nuk kanë palestër) ishin superiore, çka tregon talentin dhe punën e këtyre vashave premtuese, prandaj me meritë u nderuan me medalje të arta nga FHK-ja dhe Kupën e fituesit te cilat ju dorëzoi anëtari i Bordit të FHK-së z.Fahredin Hashani.