Kampioni në fuqi i Kosovës, Besa FamGas nga Peja, si dhe Prishtina, vazhdojnë me fitore në Superligën e Kosovës në hendboll (meshkuj). Trajneri i Besës, Arben Muqolli, është i kënaqur me fitoren e tretë rresht në kampionat. Ata kësaj radhe e mposhtën me rezultat 48:21 Zhegrën. Mysafirët nuk ishin rival i denjë për asnjë çast dhe janë me fat që nuk pësuan humbje edhe me të thellë. Pejanët kryesojnë renditjen me 6 pikë, sa ka edhe Prishtina në pozitën e dytë.
Prishtina që udhëhiqet nga trajneri Verim Zherka ngadhënjeu në derbin e javës, duke e mundur me rezultat 30:24 Trepçën nga Mitrovica. Taib Kabashi, trajner i Trepçës, u mundua me formulën e tij ta befasoi Prishtinën, por nuk ia doli, ngase hasën në një mbrojtje mirë të organizuar nga vendasit. Për Prishtinën është fitorja e tretë rresht, kurse për Trepçën humbja e dytë deri me tash, por ka një fitore. Vushtrria mposhtet në konak të vetin me gjashtë gola diferencë (28:34) nga Vëllaznimi i Gjakovës.
Superliga – meshkujt
Prishtina-Trepça 30:24
Llapi-Drita 29:39
Vushtrria-Vëllaznimi 28:34
Besa FamGas-Zhegra 48:31
Kastrioti-Samadrexha me 3 tetor
Tabela
1.Besa 3 3 0 0 6
2. Prishtina 3 3 0 0 6
3. Drita 3 2 0 1 4
4. Vëllaznimi 3 2 0 1 4
5. Trepça 3 1 0 2 2
6. Kastrioti 2 1 0 1 2
7. Zhegra 3 1 0 2 2
8. Vushtrria 3 0 1 2 1
9. Samadrexha 2 0 1 1 1
10. Llapi 3 0 0 3 0
Në javën e katërt takohen: Drita-Samadrexha, Zhegra-Kastrioti, Vëllaznimi-Besa FamGas, Llapi-Prishtina dhe Trepça-Vushtrria.