Besa Famgas vargon fitoret! - Bota Sot
Besa Famgas vargon fitoret!

Hendboll

Besa Famgas vargon fitoret!

Më: 10 dhjetor 2017 Në ora: 13:22
Besa FamGas nga Peja

Besa FamGas nga Peja ia ka lejuar Vëllaznimit vetëm dy gola në pjesën e parë, ndërsa e ka fituar me rezultatin 44:18 ndeshjen e luajtur të shtunën mbrëma në Pejë. Ndeshja Besa FamGas – Vëllaznimi i takoi javës së 13-të të Superligës së Kosovës në hendboll për meshkuj.
Kampionia aktuale, Besa, pjesën e parë të ndeshjes e fitoi me rezultatin22:2. Te ekipi pejan më efikasi ishte pivoti K. Jupa me nëntë gola. Dhjetë lojtarë u shënuan në listën e realizatorëve. Te Vëllaznimi shënuan gola pesë lojtarë ndërsa më efikasi ishte I. Leka me 13 gola.
Besa prinë në klasifikim me 24 pikë të mbledhura. Ka fituar të gjitha 12 ndeshjet e këtij edicioni, ndërsa ka një ndeshje të pazhvilluar. Vëllaznimi është i shtati me tetë pikë.
Fitore të shtunën shënoi edhe Prishtina. Prishtina poashtu me rezultat bindës, e mposhti Llapin. Rezultati në fund ishte 44:27. Prishtina është e dyta me 22 pikë nga 12 ndeshje, kurse Llapi mbetet i fundit me vetëm dy pikë.
Të shtunën është dashur të luhet edhe ndeshja mes Vushtrrisë e Trepçës. Por pasi kulmi i palestrës në Vushtrri ka pikur shumë pas reshjeve të fundit të shiut, ndeshja është shtyrë. Ajo do të luhet të dielen (nesër) nga ora 19:00, po në palestrën në Vushtrri. Në të njëjtin vend prej orës 17:00 takohen Samadrexha e Drita.
Java e 13-të është hapur të premten me ndeshjen mes Kastriotit e Zhegrës. Fitoi skuadra ferizajase me shifrat 31:25.

Besa FamGas – Vëllaznimi 44:18 (22:2)

Besa FamGas: Curri, Idrizi, Biljaka 3, Jupa 9, Dr. Tahirukaj, Tetova 7, Megjiq 3, Dre. Tahirukaj 6, Ramosaj 1, Kukrika 2, Shala 7, Muqolli 4, Tafilaj 2, Berisha

Vëllaznimi: Luzha, Sadriu, Mamusha 2, Pruthi 1, Kuqi, Leka 13, Radoniqi, Neziri, Rama 1, Spahija 1

Prishtina – Llapi 44:27 (22:16)

Prishtina: Esati, Gashi 7, Kastrati 8, Murtezi, Sula 8, Krasniqi 5, Gjuka 2, Ademi, Shahini 5, Shabani, Terziqi 1, Bajqinovci 8, Zherka

Llapi: Mani, Y. Visoka 5, Idrizi 4, R. Visoka 6, Hasani 3, Abazi 8, Sejdiu 1

Kastrioti – Zherka 31:25 (17:8)

Kastrioti: Mehmeti, D. Dugolli, Rexhepi 3, A. Dugolli 2, Mustafa 5, Rudari 2, Selmani, Hoxha 4, Shabani 5, Haxhimusa 5, Salihu 5
Zhegra: A. Agushi 1, Idrizi, Q. Isufi 2, B. Agushi, Shaqiri, A. Isufi 3, F. Isufi, Ad. Isufi 13, Aliu 6, G. Isufi.

Më të lexuarat
Sot mund të lexoni Shfletoni kopertinat
Sondazh
test
Tjera