Media shoveniste serbe raportojnë me plot krenari se Superliga e Serbisë në hendboll i zhvillon ndeshjet në Kosmet dhe assesi nuk i thonë Kosovë. Skandali më i madh apo edhe turpi i pakufishëm është edhe gazeta e përditshme “Sportski Zurnal, ku raporton se skuadra e Obiliqit ka fituar në Kosmet! Pra, ndeshja Mokra Gora - Obiliq u luajt në Zubin Potok të shtunën që e lamë pas (me 31 mars), në orën 19.00 dhe fiton Obiliqi me rezultat 28:25.
Turpi i një shkrimit nga media serbe shoveniste
Askush nuk reagoi para se të zhvillohej kjo ndeshje dhe ajo u zhvillua dhe me lejen e kujt? Me lejen e Beogradit dhe jo të Kosovës, dhe aq më keq edhe na quajnë Kosmet!
Ja ku u luajt ndeshja
Komiteti Olimpik i Kosovës, që ka besim Hasanin kryetar, po ashtu edhe federatat tjera sidomos Federatës së Hendbollit të Kosovës, po i paraqesim dy kopje të ‘Sportski Zurnal’, që raporton Kosmet dhe në anën tjetër që ndeshja u luajt në Zubin Potok, para 400 shikuesve. Sigurisht se federatat tona do të mendojnë se është ëndërr, por ky është realitet! Kjo ndeshje ka qenë e javës së 21-të të Kampionatit të Serbisë. Kur hesht, normalisht se kuptohet që i përkrah garat ilegale të Serbisë në Kosovë, ndryshe nuk nuk shpjegohet.