Hendbollistja më e mirë shqiptare, Dijana Ujkiç, bëri lojë të madhe në fanellën e kombëtares së Malit të Zi e cila si vendase (në Podgoricë) e mposhti me rezultat 28:22 (16:8) Italinë, në ndeshjen e gjashtë të grupit 2 të kualifikimeve për Kampionatin Evropian. Dijana shkëlqeu me bashkëlojtare në fitoren bindëse, e gjashta rresht.
Dijana shënoi 5 gola, e ndihmuar nga Mehmedoviç (4), Despotoviç (4) etj. Mali i Zi zuri vendin e parë me 12 pikë, ndërsa Polonia përfundoi në vend të dytë me 6 sosh, pasojnë Sllovakia (4) e Italia (0). Mali i Zi me të gjitha fitoret dhe Polonia kualifikohen më tej.
