Disa nga federatat sportive mundohen të investojnë më shumë dhe të duken më mirë, sikurse nëpër zyre po ashtu edhe në korridoret e federatës. Këto foto që po i shihni janë në korridorin e Federatës së Hendbollit të Kosovës. Foto të periudhave të ndryshme që nga vitet e 50-ta dhe deri me tash.
Ka emra të mëdhenj të hendbollit, klube që lanë nam në vitet e 70-ta dhe të 80-ta, po ashtu janë edhe kombëtaret e ndryshme të dy gjinive. Në FHK mburren se kanë më së shumti foto në korniza në korridorin e tyre, duke iu bërë me dije edhe mysafirëve ndërkombëtar, se janë në federatë me reputacion dhe me seriozitet të lartë!