Shabani shpall listën për ndeshjet në Sllovaki - Bota Sot
Shabani shpall listën për ndeshjet në Sllovaki

Hendboll

Shabani shpall listën për ndeshjet në Sllovaki

Më: 21 nëntor 2018 Në ora: 16:00
Shabani shpall listën për ndeshjet në Sllovaki

Përzgjedhësi i Kombëtares së Kosovës në hendboll, Agron Shabani ka publikuar listën e hendbollisteve për ndeshjet që kombëtarja jonë i luan në Sllovaki. Në kuadër të fazës së parë kualifikuese evropiane për botërorin e vitit 2019, Kosova i luan tri ndeshje në Sala të Sllovakisë. Më 30 nëntor kombëtarja jonë takohet me Izraelin, më 1 dhjetor me Ukrainën dhe më 2 dhjetor me Sllovakinë nikoqire. 
Në ekipin e gjerë, Shabani ka ftuar 18 hendbolliste. Prej tyre 12 janë të klubeve të vendit dhe gjashtë të klubeve evropiane. Kombëtares në Sllovaki do t’i prijë kapitenja Leonora Demaj. 
Në punën me hendbolliste, selektori Shabani do të ndihmohet nga trajnerët Lulzim Nagavci e Valbona Rudaku. 
Kombëtarja jonë javë më parë ka pasur dy miqësore ndaj Luksemburgut që i kanë shërbyer shtabit teknik para ndeshjeve të rëndësishme në Sllovaki.

Hendbollistet e ftuara:
Dorentinë Osmani (Follo – Norvegji), Pranvera Ferataj (Istogu), Elma Kameri (Istogu), Shkurta Mehmeti (Shqiponja), Burneta Rama (Vushtrria), Verona Zaskoku (Rotweiss Thun – Zvicër), Fitore Aliu (Kappelwindeck – Gjermani), Arlinda Krasniqi (Istogu), Njomza Kelmendi (Vushtrria), Ardiana Merditaj (Ottobeuren – Gjermani), Albina Rugova (Istogu), Aurora Shehdadi (Istogu), Aida Stagova (Prishtina), Lena Mekolli (Prishtina), Mirela Gjikokaj (Follo – Norvegji), Leonora Demaj (Sonderjyske – Danimarkë), Ardiana Salihu (Kastrioti), Suzana Ujkiq (Istogu).

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...