Kalendari Historik 22 Janar

Historia

Kalendari Historik 22 Janar

Më: 22 janar 2020 Në ora: 00:03
Mbretëresha Victoria

1901 – Vdes në Londër, në moshën 81 vjeçare, Mbretëresha Victoria. Victoria ,ishte Mbretëresha e Mbretërisë së Bashkuar e Britanisë së Madhe dhe Irlandës nga 20 qershori 1837 deri në vdekjen e saj. Më 1 maj 1876, ajo adoptoi titullin shtesë të Perandoreshës së Indisë. E njohur si epoka Victorian, mbretërimi i saj prej 63 vjetësh dhe ishte më i gjati se ai i secilit prej paraardhësve të saj.

1957 – “Mad Bomber” i New York-ut, George P. Metesky, arrestohet në Waterbury, të Connecticut dhe akuzohet për vënien e më shumë se 30 bombave. Metesky, ishte një elektricist dhe mekanik amerikan që terrorizoi New York-un për 16 vjet me rradhë, në vitet 1940 dhe 1950 me eksplozivët që ai vendosi në teatro, terminale, biblioteka dhe zyra.

1963 – Traktati i bashkëpunimit Elysee midis Francës dhe Gjermanisë  nënshkrohet zyrtarisht nga Charles de Gaulle dhe Konrad Adenauer. Ky traktat do të forconte më tej marrdhëniet Paris-Berlin. Me nënshkrimin e këtij traktati, Gjermania dhe Franca krijuan një themel të ri për marrëdhëniet që i dhanë fund shekujve të rivalitetit.

1971 – Lançohet, Deklarata e Singaporit, një nga dy dokumentet më të rëndësishëm për kushtetutën e pakodifikuar të Commonwealth të Kombeve. Deklarata e Parimeve të Comonwealth-it në Singapor ishte një deklaratë e lëshuar nga Kryetarët e Mbledhur të Qeverive të Comonwealth-it të Kombeve, duke përcaktuar vlerat thelbësore politike të vullnetarizmit që do të formojnë pjesën kryesore të kritereve të anëtarësimit në këtë organizëm.

1977 – Lind në Koshi, Hidetoshi Nakata. Nakata, është një ish-futbollist japonez që luajti si mesfushor. Ai konsiderohet gjerësisht si një nga lojtarët më të mëdhenj japonezë të të gjitha kohërave. Nakata filloi karrierën e tij profesionale në 1995 dhe fitoi çmimin e Konfederatës Aziatike të Futbollit në 1997 dhe 1998, Scudetto me Romën në 2001, luajti për Japoninë në tre turne të Kupës së Botës.

1984 – Apple Macintosh, kompjuteri i parë i konsumatorit që popullarizon mouse-n e kompjuterit dhe ndërfaqen grafike të përdoruesit, prezantohet gjatë një reklame televizive të Super Bowl XLVIII. Macintosh (kryesisht i quajtur thjesht si Mac që nga viti 1998) është një familje e kompjuterave personalë të dizajnuar, prodhuar dhe shitur nga Apple Inc. që nga janari 1984.

2006 – Evo Morales shpallet zyrtarisht si President i Bolivisë, duke u bërë presidenti i parë indigjen i vendit. I konsideruar gjerësisht si presidenti i parë i vendit që vinte nga popullsia autoktone, administrata e tij u përqëndrua në zbatimin e politikave të majta, uljen e varfërisë, dhe luftimin e ndikimit të Shteteve të Bashkuara dhe korporatave shumëkombëshe në Bolivi.

commentFirst article
Sot mund të lexoni Shfletoni kopertinat