Peticioni për heqjen e udhëzimeve administrative të nënshkruar nga dhjetëra biznese, problemi i energjisë elektrike, përkrahje për taksën 100 përqind, infrastruktura ligjore, mungesa e energjisë elektrike, ligjeve në përputhje me tregun, ligji i punës dhe lehonisë dhe çështje tjera të ngjashme të cilat preokupojnë biznese, ishin qëllimi i takimit të delegacionit të Odës së Afarizmit të Kosovës me kryeministrin e Kosovës Ramush Hradinaj.
Kryetari i Bordit të Odës së Afarizmit të Kosovës Skënder Krasniqi prezantoi shërbimet dhe aktivitetet e OAK që sipas tij po punon pareshtur për përmirësimin e klimës së të bërit biznes e cila po vazhdon të jetë e rëndë.
Krasniqi potencoi se aktualisht OAK është duke u marrë me probleme të cilat po pengojnë zhvillimin e vendit por bashkërisht me Qeverinë e Kosovës mund të arrijnë zgjidhen.
Krasniqi tha se Oda e Afarizmit të Kosovës në kontinuitet po vazhdon takimet me ministrat përkatës dhe institucionet e tjera, për problemet që bizneset i adresojnë në OAK, ku një nga problemet kryesore që po shkakton humbje të mëdha prodhuesve vendor e sidomos për lëndën e parë është energjia elektrike, siç janë bukëpjekësit dhe të cilët kanë kërkuar që për ta të lirohet energjia elektrike për 50 përqind.
Haradinaj u njoftua për peticionin e dorëzuar të premten nga OAK të nënshkruar nga dhjetëra biznese për heqjen e udhëzimeve administrative nga Ministria e Bujqësisë dhe Pylltarisë që kufizojnë në 5 hektarë sipërfaqe, 5 vjet dhe 2 mijë euro qira vjetore për hektarë si dhe heqjen e kufizimit për ndërrimin e pronës.
Gjithashtu, OAK ka kërkuar që Kosova të krijojë produktet strategjike sikurse i kanë vendet e rajonit.
Anëtari i OAK Hysni Zogaj, foli për sektorin minerar i cili i sjell shumë të hyra buxhetit të Kosovës, dhe theksoi se okupimi i zonave minerare me vite të tëra ndikon që të mos ketë zhvillim ekonomik në sektorin minerar, andaj Zogaj propozoi që KPMM të shuhet dhe të kalojë nën administrimin e MZHE.
Drejtoresha e Kopshtit Bardha Gëzime Rexhepi - Çollaku, k ërkoi nga kryeminisri që të rregullohet Ligji i Punës, përkatësisht pushimi i lehonisë të kalojë 100 përqind tek shteti, në mënyrë që ato të funksionojnë më mirë dhe të ndikojë në rritjen e punësimit të gjinisë femërore.
Kryeministri Haradinaj, theksoi se do t’i trajtojë temat e propozuara nga Oda, duke u shprehur i hapur për bashkëpunim të vazhdueshëm, dhe bëri thirrje që OAK të vazhdoj komunikimet me nivelin qendror me qëllim të tejkalimit të sfidave me të cilat përballen bizneset.