Para se të arrini pilulën e dhimbjes, shikoni se çfarë keni nga ushqimet në frigorifer, të cilat gjithashtu mund t'ju ndihmojnë të ndaloni dhimbjen tuaj të shpinës dhe nyjave.
Këto janë pesë ushqimet që ndikojnë në largimin e dhimbjeve në kurriz dhe nyja, transmeton KosovaPress.
Specat e kuq
Kanë dy herë më shumë vitaminë C se portokalli. Disa ekspertë besojnë se njerëzit që nuk marrin vitaminë C të mjaftueshme kanë një rrezik multicentrik të artritit. Përveç kësaj, ato përmbajnë beta-kriptoksantin, një përbërës që ndihmon në zvogëlimin e dhimbjes.
Patatja e ëmbël
Ngjyra e ndritshme e patates vjen nga beta-karoten, një antioksidues i fortë që shkatërron molekulat e lira radikale që janë të dëmshme për qelizat.
Xhenxhefili
Kjo rrënjë e shijshme përmban kimikate që punojnë në mënyrë të ngjashme me disa ilaçe kundër inflamacionit. Është gjithashtu e mirë të përdoret e freskët. Bëni një pije të ngrohtë xhenxhefili duke mbajtur disa feta në ujë për pesë minuta. Ju mund të shtoni një lugë mjaltë nëse dëshironi.
Shafrani i Indisë
Studimet kanë treguar se shafrani i Indisë ndihmon në heqjen e dhimbjes duke zvogëluar nivelin e kimikateve inflamatore në trup. Nëse nuk e pëlqeni shijen e tij, kërkoni për kapsula të saj në barnatore.
Salmoni
Për shkak se është i pasur me acide yndyrore omega-3, salmoni kontribuon në reduktimin e proceseve inflamatore duke parandaluar prodhimin e enzimeve që janë të dëmshme për eshtrat.
Studimet kanë treguar se dieta e pasur me acide omega-3 ndikon në gjendjen e nyjave, të cilat në këtë rast janë më pak të prira për ënjtje dhe ngurtësi.