Frikë për mungesë globale të ilaçeve - Bota Sot
Frikë për mungesë globale të ilaçeve

Këshilla mjekësore

Frikë për mungesë globale të ilaçeve

Më: 5 mars 2020 Në ora: 00:25
Foto ilustrim

Ekziston frika për mungesë globale të disa barnave të zakonshme pasi India kufizoi eksportin e ilaçeve të caktuara për shkak të koronavirusit.

Furnizuesi më i madh në botë i ilaçeve gjenerike ka kufizuar eksportet e 26 përbërësve dhe ilaçeve të bëra prej tyre.

Ilaçet e kufizuara përfshijnë edhe Paracetamol-in, një nga lehtësuesit e dhimbjes më të përdorur në botë.

Ky veprim vjen pasi prodhuesit e shumicës së përbërësve të ilaçeve në Kinë janë mbyllur ose kanë limituar prodhimin.

Prodhuesit e ilaçeve në Indi mbështeten në Kinë për pothuajse 70% të përbërësve aktivë në ilaçet e tyre, dhe ekspertët e industrisë kanë paralajmëruar se ka të ngjarë të përballen me mungesa nëse epidemia vazhdon.

“Edhe ilaçet që nuk prodhohen në Kinë marrin përbërësit e tyre bazë nga Kina. Në nivel global mund të ketë mungesë nëse goditen të dyja, Kina dhe India”, paralajmëroi analisti Shaun Rein nga Grupi i Kërkimeve të Tregut në Kinë.

Lista e përbërësve dhe ilaçeve përbën 10% të të gjithë eksporteve farmaceutike indiane dhe përfshin disa antibiotikë, të tilla si tinidazole dhe eritromycin, hormonin progesterone dhe Vitaminën B12.

Shfaq komentet
comments powered by Disqus
Sot mund të lexoni Shfletoni kopertinat